قلبك بيدق
عكس الساعه.
زمن اداك عمرين على عمر.
انت اللى بقيت من بين
اتنين
بالامر.
واحد روح
والتانى استلم الشيفت
عمرك ما عرفت الحد اللى هايتقابل
ولا عمرك كنت مُقابل
للحد الساكن قبلك من تاريخين
نمت كويس؟
نفسك تقرا الجرنال البايت
قبل الفايت
ولًَا .
جواك الخوف من انك تقرا الكف
فا تلف
تُقًَع فى الركن الضلمه
تزووووغ
عينك بيضا
قلبك مش مستوعب
نفسك هذا الجو المرعب
انه يدوخ
او يستسلم
نفسك تطلع سِلِم نفسك
الم الاذن الوسطى يسلم جسمك
اول ارض تقابلك
تسمع تون واحد متكرر
غير متقطع .
بتركز ؟
ركز اكتر يمكن الم الدوشه يبطل
زن
يمكن يوم ما يرن سؤالك
جسمك يستقبل.
شارة الرد
رُب اجابه تكوَن بوابه لحد
ما جاش
وانت الحلقه الواصله مابينك
فايت
وانت الجاى.
ليست هناك تعليقات:
إرسال تعليق