قدمت حروف
الخوف
وزرعت اليأس حياه
وعرفت وع المكشوف
الشوف بيذيد الآه
وانا مش صابر
ع الليل
ولا صابر
ع المكتوب
انا من بدء المكتوب
خطيت بحروف
انسان
..
وحدي والضلمه
وبس
وخطوط ع الحيط
بالطول
دراعاتى عكس
ف عكس
طاويين وشي
المنحول
وانا من بدء التفاريح
صنفني عذابى
جريح
حتي ف عز التباريح
الديق بيذيد ادياق
مشتاق لساعات
الحلم اللى ماشوفتوش
تايه بين الف وشوش
عمرين العيشه تمر
عمر اتدهمل فى المر
والعمر التاني عذاب
اغراب فى زمان اغراب
والتوهه من الاعراب
بتخيط توب مشبوح
وبتخلط فى الانساب
وف اخر لحظه الجسم
يمشى من الروح يتساب
ولان العيشه ف زحمه
توجد للموت اسباب