وابيع مناديل
عشان دمعك
ماينزلش
واكون شايفه
ولو ترضى اكون
خدك
يبات من تحت عينك
ارض
يتبلل مطر عينك
ويغرس ضحكتين
فيكى
على شفايفك
صحيح ماملكش
ف الدنيا غير
الكلمات
عشان جيبى العزيز
عزيته على قوته
وكفنته
البقاء لله
ولا جناينى
يجيبلك من جنينته
ورد
انا من يوم ميلادى
ارض
وسقايه
وكام شمسه عشان
بكره اللى مابيفهمش
م النظره
باقولك ايه
انا عاشق نصيبى
من الشقا دنيا
على حبة بواقى
عمر مستغرب
ياريت اقرب من
اللى داق حلاوة
زاده قبل فطام
يامكتر عجنة الايام
ومستحمل##