الكدب كان مكسى 
بصدق
والصدق كان مكسى
بزيف
لما الاراضى البور
ماحستش الخريف
الطير بيحلم بالغروب
وهو لسه فقس بيض
ملعون ابو انسان
بيعبد ف الحديد
لما تشوفه جبان
وانا وانتي وسط البيئه
مختلفين
طب ليه مانسكتش ونرضى
ما اللى قبلينا رضوا
وبرغم دا كله مضوا
ارجوكى لما تعشقينى
تسكتى
وانا لما احبك هابقى اقولك
كتابه
الوقت مش وقت المطر
جوه السحابه
احنا اللى منا بيقفشوهم
اشتباه
والف منا عدوا حد
الاكتئاب
ياريت يكفينا اننا
ندخل بروحنا فى الكتاب
وياريت نداوى جراحنا فى
الفهرس
من غير شعور