اعزف على ايام الغربه
لحن مسافر مابيرجعش
فيه الناى مش قادر يبكى
لما الحزن بتدمع عينه
صعب عليه يتدارى ف ركنه
ويحبس همه بين حيطتين
او يطلع فى زفير متقطع
اصعب منظر ......
انك واقف ع الاسفلت
وقلبك واقف قدام منك
بينكو  عتاب
ماتقوليش انك هاتصالحوه
او ايدك تقدر تمسحله
نقطة دم بتنزل منه
وهو حزين
هو يشوفك وانت بتقطع
شريان ايدك
علشان تظهر انك شبهه
يضحك جدا
مايصدقش
لاغرب من ده
انه يبص ف عينك يبكى
يحس بضعفك
يمشى يسيبك
مايكملش
لحظه بتكتم كل مشاعرك
مابتخرجش
تلعب على ضلعين
من جسمك
لحن لميت مابيرجعش