بين الحياه والموت
اقل من لحظه
تفرق مابين الكلام
والسكوت.................................
فيه ناس ف قلب الحياه
بتكون ايدين عاجزه
وناس ف قلب الموت
بتواصل الرحلات......
ليه الحياه محبوسه
بين ضلعين؟
والروح بتنسج خيطها
على جوفنا
هو الزمان حضن
الكتاف لاتنين
ولا اتنسينا وضيعنا
من خوفنا
واحد وواحد والبشر ياما
والعضم مكسى بجلد من بره
وكله ماشى ف دايرة الخلافات
مع ان حبل الصره كان واحد
شكل الخروج م البطن كان واحد
طعم اللبن م السدر كان واحد
ورغم دا كله شكل الكلام اشلاء