ومين فيكى ماكانش بيقسم اللقمه
ومين فيكى فى عز الشده ماغناش
وباس ايده على الجنبين وقال نعمه
حبيبتى يا كلمه العاشق
دانا من صغرى وانا ناشئ
على كفوفك
حضنت البحر علانى
وخلانى قدرت اجيب
مدى شوفك
ساعات بالمس حيطان بيتنا
وبالعب كوره فى الشارع
واشوفك وانتى مبتسمه
بتاخدى ايدى للجامع
واشوف صاحبى وحواديتو
مقدس هل من بيته
بيدعى الرب ويزيده
غنا وبركات
واه م القلب اقولها وانتى سامعانى
ماليش غيرك حبيب تانى
وقبل دموعى ماتجينى على خدى
الاقيكى بتتاخدى بكفك لما يلمسنى
اشوف الحنه حاضنانى
اه يا ايوبه ياصابره
عرفت طريقى من صبرك وانا صغير
وشوفت حلاوة الخضره على ايدك
قطفت الليل وشبكته عناقيدك
وطبطبت على جراحك وشيلت من عنا ايدك
لقيتك فى حاضنانى
وشايله لى طفل وليد
يارب تكبروا وتزيد فى ضحكتها
والاقى الشمع على بيتها
صفوف وصفوف
ليست هناك تعليقات:
إرسال تعليق