العيد وجب
بيجينى ماباعيد
وياعيد بعيد عنى
تستنى فيه ايه
وانا من زمان ميت
وقابيل قتل فيه
من غير مايتعلم
دفن الغراب توأمه
قدام عينيه فى التراب
من غير مايتغسل
لا لحقت اشوف دنيتى
ولا دريت بيها
مع انى فيها مشيت
توهنى سلسالى
وانا اللى من غربتى
خدت القسى تسالى
هاتقولى ايه مالك؟
حزنان على عمرك
ولا على تمرك
اللى ما طال سدرك
ولا حتى بلعومك
سهر الغريب علمك
يسرق سنين يومك
مسكين ايا دى الجدع
كافر يا كتر الوجع
كافره يا حنيه
مريتى ع العطشان
من غير مابليتى
ريقه ولا نظرته
اه يا سنين الغربه
100 موال
وياليل ياعين
تعبت من الترحال
جربت اسال
نفسى الف سؤال
الفت الف اجابه
علشان تريحنى
هيادى ناس يازمن
ولا زمن ياناس
متشكرين يازمن
قافل ب100 متراس
شادد على الحيل
لاكنت فيك يازمن
قاصد لا كان لى ميل
انى ادخلك يازمن
يابو الميزان كفات
والكفه فيك يازمن
فيها السنج عتبات
بتفرق اللقمه
على المفارق
الم
الناى كتب كلمته
من كتر حزنى عدم
انا ليه فى حلقى
سلك شايك
بيقطع الكلمه
مسامير
وليه حياتى
ماشيه على السير
علب
فكرت مره اسال الاحزان
لقيت حصان المر
بيفكر
ايه اللى خلى الشيطان
رغم النعيم يكفر
ايه اللى خلى الصبر
كان ايوب
ايه اللى خلانى
رغم انى مش ايوب
لاكنى واخد صبرى
م التوكيل
لاكنى واخد عمرى
م الايام
شقى
........