نفسى اشوف الديك
بيدن
نفسى اصلى ركعتين
فى القدس
والإمام بيلم ناسه
والصلاه واسعه وفسيحه
اصل لون الأرض فاضى
والمدى من غير غصون
السؤال
لما حى على الفلاح
ليه جناحاتى بدون الريش
تكون؟
ليه وانا طير من ميلادى
اتمنع من انى اطير؟
زى اى فراق هفارق
بس تفرق لما يبقى فراقى
من بين السحاب
عن فراقى والراس فى التراب
حبيبتى
كل قضيتى اشوفك وبس
مين دواه العشق من بين البعاد
صوتى جوايا وكلى عيون
اجابه
وانتى كل عينيكى شوق
ليه بنمشى سكة الصمت المميت
رغم أن الحب شرع المحبوبين
ليه نكون م الممنوعين
مع ان اصل الكون تلاقى
مع انى حاجز تذكره رايح
وراجع
اتمنع من كل شئ؟
كل كف بيتوجد حوليا بيشد
البلاستر فوق شفايفك
أما أنا كل الكفوف حالفه
تلف الخوف عليا وأقوم اعافر
ينعتونى بإنى كافر
بالحقيقه
وان عشقى ليكى فى المجمل
خطيئه
وان مش من حقى احبك
وانى.........
النهايه
(كل عين تعشق حليوه
الا انتى ف كل عين)
