أزمة جليكوز ف الدم.
مشاعر طفل بيحبى.
قد ايه رجل الترابيزه
خايفه
جربت اكمل قلبى
قالى ستوب
فارفعت كرسى فى الهوا
خبط السحاب
حرق القمر .
الدنيا ضلمه غطيس
يارب ليه ماخلقتنيش
فوانيس.
طب مش حرام الماتش
قبل مايبتدى
القهوجى
يقفٌل
باقولك ايه
حط الكتاب ع الرف
دا تور وسايح ف دمه
من لف السواقى.
تروماى أنا
عدى عليا الواد
بورق آليانصيب
كسبنى نظرة حب
لسه بكر مكسوفه
شوفت القدر.
خلانى
اشوف اول لقا
للكحل ودموع المراوى
كان شنبى لسه خفيف
مدارى بسمه ماجربتش
الفلتر
ما انكرش انى حلمت
كام ليله
وفوقت على رنة
جنيه ع الارض.
