تموت الصحاب فى المصالح
وتغرق قلوب فى المصاير
تموت الحقيقه ف وسط العشم
بالغشم
وروح تايهه بين الحقايق واللى شبه الحقايق
ف حضن الخلايق مزانق مزانق
مشارق تغرب مغارب تشرق
تبات شمس نورها موفر معفر
بيحضن قمرها فا يظهر مزهر
وتقفل بيوت ع اللى كاين فى سيرها
وتفتح شوارع طويله وامان
زمان زى دلوقتى ودلوقتى زى الزمان
مشاعر مقاسها على كل توب
فتهوى القلوب الرمادى السبات
ويهوى البياض السواد المرر
ويهوى السواد البياض الحزين
ترى التركيبات اللى جدت فتعبت
ترى الموبقات اللى سدت فتوح
ترى الروح سجنً مروحن تبوح
فيمنعها حكم النفوس المشبك
فا تسلك فا تعجز فا تهلك تموت
يقابلها صوت الملايكه مزمجر
بيبكى على الموؤده يوم البزوغ
هوى فا هوى السهم لم يرتقى
بقى فى الغمد لم يستيبح الخروج
فيا ليته قبل ان يصنع
لقى حتفه والتقته القبور
